ඉලෙක්ට්‍රික් වාහන සඳහා වැඩි සැලකිල්ලක් රාජ්‍ය ඇමති කබ්රාල්

වත්මන් රජය යම් දිනෙක වාහන ආනයනය සඳහා අවසර දෙන විට ඉලෙක්ට්‍රික් වාහන සඳහා වැඩි සැලකිල්ලක් දක්වන බව මුදල් රාජ්‍ය අමාත්‍ය අජිත් නිවාඩ් කබ්රාල් මහතා පවසයි.ඔහු මේ බව පැවසුවේ අද (05) දින පාර්ලිමේන්තුවේදී වාචික පිළිතුරු අපේක්ෂාවෙන් මන්ත්‍රී මොහොමඩ් මුසම්මිල් මහතා යොමුකළ ප්‍රශ්න කිහිපයකට පිළිතුරු ලබා දෙමිනි.

අද ලෝකයේ බොහෝ රටවල් ඉලෙක්ට්‍රික් වාහන පිළිබඳව වැඩි සැලකිල්ලක් යොදවලා තියෙනවා. මං හිතන්නේ අපේ රටේත් එවැනි දෙයක් සිදුවිය යුතුයි. අපි යම් දිනයක වාහන ආනයනය කිරීමට අවසර දෙන විට අපි ඒ පිළිබඳව සැලකිලිමත් වෙන බව මතක් කර දෙන්නට කැමතියි. අපේ රට තුළ යම් ආකාරයකට වාහන නිෂ්පාදනය කිරීමට හැකියාවක් තිබෙනවා. ඒත් එක්කම රට තුළ අගය එකතු කිරීමත් අපිට ඉතාමත් හොඳින් කළ හැති අවකාශයකුත් තිබෙනවා.

විශේෂයෙන්ම ටයර්, සීට්, ඒ වගේ දේවල් අපේ රටේ කරන්න පුළුවන්. ඒ ගැනත් අපි සැලකිලිමත් වෙලා තියෙනවා. ඒ සියලුම අංශයන් ඔස්සේ කොවිඩ් වසංගතය නිසා එක් හොඳක් ලෙස අපේ රටේ ව්‍යාපාරිකයන් බොහොම උනන්දුවකින් කටයුතු කරනවා කියන්න පුළුවන්. ඒ නිසා ඒ හරහා අපිට මෙවැනි කර්මාන්ත දියත් කරන්න හැකිවෙයි කියා අපි බලාපොරොත්තු වෙනවා. ඒ සඳහා රජයේ දැඩි අවධානය යොමුකරනවා

News Editor

Next Post

එක පවුලකට හාල් කිලෝ 03 ක් සති 02 කට ප්‍රමාණවත් - වෙළඳ ඇමති

Mon Apr 5 , 2021
අවුරුදු දීමනාවක් වශයෙන් සතොස හරහා ලබාදෙන සහන මල්ල සම්බන්ධයෙන් එල්ල වන චෝදනා වලට වෙළද අමාත්‍ය බන්දුල ගුණවර්ධන මහතා ප්රතිචාර දැක්වූවා. ඒ අද පස්වරුවේ වෙළද අමාත්‍යංශයේදී පැවති විශේෂ මාධ්‍ය හමුවකට සහභාගී වු අවස්ථාවේදියී. අමාත්‍යවරයා එහිදී කියා සිටියේ සහන මල්ලට අන්තර්ගත සියලු ආහාර ඉහල ප්‍රමිතියකින් සහ නිවැරැදි ප්‍රමාණ වලින් අඩංගු ආහාර ද්‍රව්‍ය […]
web stats