ගොවීන්ට මට විරුද්ධව උද්ඝෝෂණය කරන්න සාධාරණ අයිතියක් නෑ -ජනපති කියයි

තමාට විරුද්ධව උද්ඝෝෂණය කිරීමට ගොවීන්ට සාධාරණ අයිතියක් නොමැති බව ජනාධිපති ගෝඨාභය රාජපක්ෂ මහතා පවසයි.ජනාධිපතිවරයා මේ බව පැවසුවේ අද (01) පස්වරුවේ ජනාධිපති කාර්යාලයේදී පැවති ජාතික ගොවි සංවිධාන බල මණ්ඩල නියෝජිත හමුවට එක්වෙමිනි.

මෙහිදී වැඩිදුරටත් අදහස් දැක්වු ජනාධිපතිවරයා,

සමහර අය පෙන්නන්න හදනවා අපි ආපස්සට යන ගමනක් කියලා. අද කාබනික පොහොර ඉහළ තැනක පවතිනවා. මුළු ලෝකයේම එතැනට තමයි යන්නේ. ඒක ආපස්සට යෑමක් නෙමෙයි. ඉදිරියට යෑමක්. අපි දන්නවා කාබනික පොහොරවලට විරුද්ධව කතා කරන අය කන්නේ කාබනික පොහොරවලින් හදපු ආහාර. ඒවා කාලා අනිත් අයට කවන්න හදනවා වස විස දාලා හදපු කෑම. මගේ ආරක්ෂක අංශයේ ඉන්න හුඟාක් අය ගෙන්නුවේ ගම්බද ප්‍රදේශවලින්. මම දන්නවා ඒ අයගේ පවුල්වල තියෙන ප්‍රශ්න. අම්මා, තාත්තා, පොඩි අයට පවා වකුගඩු රෝග. පිළිකා රෝග. මේවාගෙන් කවුද දුක්විදිනේනේ. ගොවියා… එදා යම්කිසි මුදලක් පොහොරවලට ගෙව්වා ඒක අද නොමිලේ හම්බ වුණා. එදා රුපියල් 30ට වත් විකුණ ගන්න බැරිව විශාල මෝල් හිමියන් ගත්තේ රු 25 – 28 ගත්තේ වී. අද අපි රු 50ක සහතික මිලක් දීලා තියෙන වෙලාවේ 50, 60, 70ත් වී විකුණනවා. ඒක ගොවියාට යනවා නම් කමක් නෑ. ඇත්තටම මේවා දිහා බලනකොට අද කිසිම ගොවි මහත්තයෙකුට මට විරුද්ධව උද්ඝෝෂණයක් කරන්න සාධාරණ අයිතියක් නෑ.

adaderana

News Editor

Next Post

මවු පදවියට සුදානම් වන ජනප්‍රිය නිලි දිනක්ෂි සාරංග සමග ගෙවන සුන්දර ජීවිතය

Sun Jul 4 , 2021
කළා ලෝකයේ තරු ගොඩක් විවාහ වෙන්නේ කළා ලෝකයේ තරු සමග. බොහොම කළා තුරකින් තමයි කළා ලෝකයේ තරු ජනප්‍රිය නොවන කෙනෙකු සමග විවාහ වෙන්නේ. කොහොම වුනත් කළා ලෝකයේ මේ දවස්වල හැමෝගෙම ආදරේ දිනාගෙන ඉන්න යුවලක් තමයි සාරංග සහ දිනක්ෂි කියන්නේ. 1990 වසරේ උපන් දිනක්ෂිට දැන් වයස අවුරුදු 31ක් පමණ වනවා. ‘සූම්’ […]
web stats